Shavkat Mirziyoyevning tegishli farmonlari bilan Vladimir Norov O‘zbekiston tashqi ishlar vaziri lavozimidan ozod etildi.
Prezident matbuot kotibining ma’lum qilishicha, u boshqa ishga o‘tishi munosabati bilan ushbu lavozimdan ozod etildi.
Baxtiyor Saidov O‘zbekiston tashqi ishlar vaziri vazifasini bajaruvchi etib tayinlandi va shu munosabat bilan O‘zbekiston xalq ta’limi vaziri lavozimidan ozod etildi.
2022-yil apreli oxirlarida prezidentining tegishli farmonlari bilan O‘zbekiston tashqi ishlar vaziri lavozimini egallab kelgan Abdulaziz Komilov prezident huzuridagi Xavfsizlik kengashi kotibining tashqi siyosat va xavfsizlik masalalari bo‘yicha o‘rinbosari lavozimiga tayinlangandi. Vladimir Norov O‘zbekiston tashqi ishlar vazirining birinchi o‘rinbosari lavozimiga tayinlanib, uning zimmasiga O‘zbekiston tashqi ishlar vaziri vazifasini bajarish yuklatilgandi. Sentabr oyida Vladimir Norov O‘zbekiston tashqi ishlar vaziri lavozimiga tasdiqlandi.
Baxtiyor Saidov 2021-yilning noyabridan buyon Xalq ta’limi vazirligiga rahbarlik qilib kelayotgandi. Unga qadar O‘zbekistonning Xitoydagi elchisi lavozimida faoliyat yuritgan.
Izoh (0)