Rossiyaning mag‘lub bo‘lishi tarafdori bo‘lgan va chet elga ketib qolgan hukumatga qarshi fuqarolar “ularning xatti-harakatlari huquqiy jihatdan qanday baholanishi”dan qat’iy nazar, “jamiyat dushmanlari” deb hisoblanishi kerak. Bu haqda Rossiya Xavfsizlik kengashi raisi o‘rinbosari Dmitriy Medvedev o‘z Telegram-kanalida yozdi.
“Ularga shunday ta’rifni yopishtirib qo‘yish kerak. Bu shaxslarga nisbatan hatto hech kim hech qanday ma’muriy yoki jinoiy ishlar ham qo‘zg‘atmasin”, — deb yozdi u.
Bunday odamlarni “hayotining oxirgi kunlarigacha” mamlakatga qaytib kiritish kerak emas, ularni, shuningdek, Rossiyadagi daromadlaridan mahrum qilish kerak, degan fikrda Xavfsizlik kengashi raisi o‘rinbosari.
“Bunday odamlarning uyga qaytishi jamoatchilik qarshisida pushaymonligini izoh qilganidan keyingina, kerak bo‘lsa — faqat amnistiya yoki afv orqaligina amalga oshishi mumkin”, — dedi Medvedev.
Avvalroq Rossiya prezidenti Vladimir Putin Xavfsizlik kengashi rahbari o‘rinbosari Dmitriy Medvedevni yana bir lavozimga — Harbiy-sanoat komissiyasi raisining birinchi o‘rinbosarligiga tayinlagan edi. Rossiya armiyasi uchun qurol-yarog‘ ishlab chiqarishni muvofiqlashtiruvchi Harbiy-sanoat komissiyasi raisi Putinning o‘zidir.
Eslatib o‘tamiz, Medvedev kelasi yil nimalar sodir bo‘lishi yuzasidan o‘zining “futuristik farazlari” bilan bo‘lishdi. Xususan, u 2023-yilda Yevroittifoq parchalanib ketishini va AQSHda fuqarolar urushi boshlanishini istisno qilmayapti.
Mavzuga doir:
Izoh (0)