Xitoyning markaziy Xenan provinsiyasi Chjenchjou shahrida quyuq tuman tufayli 200 dan ortiq avtomobil to‘qnashib ketdi, kamida bir kishi halok bo‘ldi. Bu haqda Xitoy markaziy televideniyesiga tayanib, “TASS” xabar berdi.
Voqea 28-dekabr kuni ertalab soat 7:40 da (Toshkent vaqti bilan 4:40) avtomobillar ikki yo‘nalishda harakatlanadigan ko‘prikda sodir bo‘lgan. Atrofni ko‘rish darajasi yomonligi tufayli ko‘p sonli avtomobillar bir-biri bilan to‘qnashgan.
Voqea joyida ishlayotgan qutqaruvchilardan birining mahalliy radioga aytishicha, dastlabki hisob-kitoblarga ko‘ra, halokat 200 dan ortiq mashinani qamrab olgan.
Ayni paytda 11 ta o‘t o‘chirish mashinasi va 66 nafar qutqaruvchi yirik avariya oqibatlarini bartaraf etmoqda.
Izoh (0)