Россиянинг мағлуб бўлиши тарафдори бўлган ва чет элга кетиб қолган ҳукуматга қарши фуқаролар «уларнинг хатти-ҳаракатлари ҳуқуқий жиҳатдан қандай баҳоланиши»дан қатъий назар, «жамият душманлари» деб ҳисобланиши керак. Бу ҳақда Россия Хавфсизлик кенгаши раиси ўринбосари Дмитрий Медведев ўз Telegram-каналида ёзди.
«Уларга шундай таърифни ёпиштириб қўйиш керак. Бу шахсларга нисбатан ҳатто ҳеч ким ҳеч қандай маъмурий ёки жиноий ишлар ҳам қўзғатмасин», — деб ёзди у.
Бундай одамларни «ҳаётининг охирги кунларигача» мамлакатга қайтиб киритиш керак эмас, уларни, шунингдек, Россиядаги даромадларидан маҳрум қилиш керак, деган фикрда Хавфсизлик кенгаши раиси ўринбосари.
«Бундай одамларнинг уйга қайтиши жамоатчилик қаршисида пушаймонлигини изоҳ қилганидан кейингина, керак бўлса — фақат амнистия ёки афв орқалигина амалга ошиши мумкин», — деди Медведев.
Аввалроқ Россия президенти Владимир Путин Хавфсизлик кенгаши раҳбари ўринбосари Дмитрий Медведевни яна бир лавозимга — Ҳарбий-саноат комиссияси раисининг биринчи ўринбосарлигига тайинлаган эди. Россия армияси учун қурол-яроғ ишлаб чиқаришни мувофиқлаштирувчи Ҳарбий-саноат комиссияси раиси Путиннинг ўзидир.
Эслатиб ўтамиз, Медведев келаси йил нималар содир бўлиши юзасидан ўзининг «футуристик фаразлари» билан бўлишди. Хусусан, у 2023 йилда Евроиттифоқ парчаланиб кетишини ва АҚШда фуқаролар уруши бошланишини истисно қилмаяпти.
Мавзуга доир:
Изоҳ (0)