AQSH Xitoyning Tayvan yaqinidagi harbiy faoliyatidan xavotirda hamda buni “provokatsion” va “beqarorlashtiruvchi” deb hisoblaydi. Bu haqda Oq uyning bayonotiga tayanib, Reuters xabar berdi.
AQSH prezidentining ma’muriyati Vashington Taypeyga yordam berishda davom etishini ta’kidladi.
“Biz uzoq yillik majburiyatlarimiz va yagona Xitoy siyosatimizga muvofiq Tayvanga yetarlicha o‘z mudofaa qobiliyatini saqlab qolishda yordamni davom ettiramiz”, — deyiladi Oq uy Milliy xavfsizlik kengashi bayonotida.
26-dekabr kuni Tayvan Tashqi ishlar vazirligi bir sutkada Xitoy harbiy-havo kuchlarining 43 ta samolyoti Tayvan bo‘g‘ozining o‘rta chizig‘ini kesib o‘tgani haqida xabar berdi. Tayvanni o‘z hududi deb hisoblaydigan Xitoy 25-dekabrda Tayvan atrofidagi dengiz va havo hududida “zarba mashqlari” o‘tkazgan. Bu AQSH va Tayvanning provokatsiyalariga javob deb atalgan.
So‘nggi yillarda Xitoy o‘zini o‘zi boshqaradigan orolga Pekin hukmronligini tan olish uchun bosimni kuchaytirdi. Tayvan hukumati tinchlikni xohlashini, ammo hujumga uchrasa, o‘zini himoya qilishini ta’kidlamoqda.
23-dekbar kuni Xitoyning 39 ta samolyoti Tayvanning havo mudofaa zonasiga kirgandi. Shuningdek, orol yaqinida Xitoy flotining uchta harbiy kemasi qayd etilgan. Tayvan havo mudofaa tizimlari Xitoy samolyotlarining harakatini kuzatgan. Tayvan qiruvchi samolyotlari havoga ko‘tarilgan.
Izoh (0)