Qashqadaryoda 28 yoshli ayolning jasadi hammomdan topildi. Uni sobiq eri o‘ldirib ketgan

Qashqadaryo viloyati Kasbi tumanida 28 yoshli ayolning jasadi hammomdan topilgani haqida xabar tarqaldi. Holat yuzasidan Bosh prokuratura matbuot kotibi Hayot Shamsutdinov munosabat bildirdi.

Qayd etilishicha, holat yuzasidan tergovga qadar tekshiruv harakatlari olib borilgan. Tekshirish davomida ayolni sobiq turmush o‘rtog‘i qasddan o‘ldirgani aniqlangan. 17-dekabr kuni Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilgan va gumonlanuvchi protsessual tartibda ushlangan.

Tergov harakatlari olib borilmoqda.

Nasafnews ma’lumotiga ko‘ra, Kasbi tumani “Tinchlik” mahallasidagi uyda ijarada yashab kelgan ayol shu yilning 16-dekabr kuni vafot etgan. Ayol “Tinchlik” mahallasidan “Qamashi” mahallasiga turmushga chiqqan. Oilaviy kelishmovchilik tufayli yana o‘zi yashagan mahallaga qaytib, 3 nafar bolasi bilan ijarada yashab kelgan.

Mavzuga doir:

• Jizzaxda er xotinini urib o‘ldirib qo‘ydi
• Jizzaxda 22 yoshli yigit ayoli va 5 yoshli o‘g‘lini o‘ldirib, yoqib yubordi (video)
• Sirdaryoda xotinini g‘isht bilan urib o‘ldirgan erkakka jinoyat ishi qo‘zg‘atildi