Jizzax viloyatining Sharof Rashidov tumanida er 39 yoshli xotinini urib o‘ldirib qo‘ydi.
Tuman hokimligi bergan ma’lumotga ko‘ra, voqea 15-noyabr kuni soat 16:53 larda “Yangidiyor” MFYdagi xonadonda yuz bergan. 50 yoshli O‘.A. shar’iy nikohida bo‘lgan turmush o‘rtog‘i I.S.ni “Nega meni haqorat qilasan?”, deb turli joylariga urib, tan jarohati yetkazgan.
Oqibatda ayol olgan tan jarohati natijasida voqea joyida vafot etgan.
Ushbu jinoyat ishi viloyat prokuraturasi, viloyat IIB mas’ul rahbarlari va tuman sektori rahbarlari, MFY raisi, xotin-qizlar faoli, profilaktika inspektori, hokim yordamchisi, yoshlar yetakchisi va keng jamoatchilikdan 100 dan ziyod fuqarolar ishtirokida muhokama qilingan.
Holat yuzasidan jinoyat ishi qo‘zg‘atilgani, aybdorga qanday jazo tayinlangani haqida ma’lumot keltirilmagan.
Mavzuga doir: Toshkentda alimentga bergani uchun xotinidan qasd olmoqchi bo‘lgan er qamaldi
Izoh (0)