Қашқадарё вилояти Касби туманида 28 ёшли аёлнинг жасади ҳаммомдан топилгани ҳақида хабар тарқалди. Ҳолат юзасидан Бош прокуратура матбуот котиби Ҳаёт Шамсутдинов муносабат билдирди.
Қайд этилишича, ҳолат юзасидан терговга қадар текширув ҳаракатлари олиб борилган. Текшириш давомида аёлни собиқ турмуш ўртоғи қасддан ўлдиргани аниқланган. 17 декабрь куни Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилган ва гумонланувчи процессуал тартибда ушланган.
Тергов ҳаракатлари олиб борилмоқда.
Nasafnews маълумотига кўра, Касби тумани «Тинчлик» маҳалласидаги уйда ижарада яшаб келган аёл шу йилнинг 16 декабрь куни вафот этган. Аёл «Тинчлик» маҳалласидан «Қамаши» маҳалласига турмушга чиққан. Оилавий келишмовчилик туфайли яна ўзи яшаган маҳаллага қайтиб, 3 нафар боласи билан ижарада яшаб келган.
Мавзуга доир:
Изоҳ (0)