Sirdaryo viloyati Mirzaobod tumanida erkak o‘z xotinini o‘ldirib qo‘ygani haqida xabar berilgandi. Oila va xotin-qizlar davlat qo‘mitasi holat bo‘yicha qo‘shimcha ma’lumot berdi.
Qayd etilishicha, 18-oktabr kuni soat taxminan 21:00 larda Mirzaobod tumani “Yo‘ldoshobod” yashagan fuqaro M.F. (1984-yilda tug‘ilgan) yashash xonadonida turmush o‘rtog‘i M.A. (1985-yilda tug‘ilgan) bilan o‘zaro kelishmovchilik oqibatida janjallashib, er o‘z turmush o‘rtog‘ining bosh qismiga g‘isht bo‘lagi bilan bir necha marta urib, hayot uchun xavfli bo‘lgan og‘ir tan jarohati yetkazgan. Ayol tez yordam avtomashinasida Yangiyer shahar tibbiyot birlashmasiga olib borilganda, ko‘rsatilgan tibbiy muolajalarga qaramasdan jonlantirish bo‘limida vafot etgan.
Nizoli oila muqaddam mahalla fuqarolar yig‘ini tomonidan bir necha bor muhokama etilgan. 2022-yil 17-oktabr kuni ayol Sirdaryo viloyati IIB 102 xizmatiga bergan xabariga asosan yashash uyiga Mirzaobod tumani IIB HPB boshlig‘i kapitan O.Alibekov, HPB profilaktika inspektori, katta leytenant Sh.Sherqulov yetib borib suhbat va tushuntirish ishlarini olib borgan va ayolga himoya orderi berilgan. Tushuntirish ishlari olib borilganiga qaramasdan, 18-oktabr kuni ushbu jinoyat sodir etilgan.
M.F.ga nisbatan Jinoyat kodeksining 104-moddasi (qasddan badanga og‘ir shikast yetkazish) 3-qismi bilan jinoyat ishi qo‘zg‘atilgan.
Izoh (0)