Rossiya 2023-yil boshida Moldovaga qarshi urush boshlashni rejalashtirgan, ammo ssenariyni amalga oshirish Ukrainadagi vaziyatning rivojlanishiga bog‘liq. Bu haqda Moldova razvedka va xavfsizlik xizmati direktori Aleksandr Mustyadj xabar berdi.
Rasmiyning ta’kidlashicha, Moskva Ukraina shimolidan Moldovaga bostirib kirishi mumkin bo‘lgan bir qancha ssenariylarni tahlil qilmoqda.
“Gap Rossiya Moldova hududiga yangi hujum uyushtiradimi yoki yo‘qmi, bu qachon sodir bo‘lishida: yil boshida, yanvar, fevral yoki kechroq, mart, aprelda. Ammo bizda mavjud bo‘lgan ma’lumotlarga ko‘ra, Rossiya bundan ham uzoqroqqa bormoqchi”, — deydi Mustyadj.
Razvedka rahbari bir qancha ssenariylar tahlil qilinayotgani, ulardan birida Moskva Ukraina shimoli orqali Moldova tomon quruqlik hujumini amalga oshirish ekanini aytdi.
“Masalan, Moldova hududi bo‘lgan Pridnestr bilan koridor yaratish. Shunda biz aniq aytishimiz mumkinki, ha, ular Moldovaga kelmoqchi. Keyin nima bo‘ladi?, ularning Kishinyovga bo‘lgan niyati haqiqat va juda katta xavf”, — dedi rasmiy.
Shuningdek, u Pridnestr hududida ruslar tomonidan qo‘riqlanadigan “Yevropadagi eng yirik” o‘q-dorilar ombori mavjudligini eslatdi. Mustyadj Rossiyning Moldovaga bostirib kirishi ehtimoli ushbu o‘q-dorilardan foydalanish bilan bog‘liq bo‘lishi mumkinligini istisno qilmadi.
“Rossiyaning Pridnestr hududiga quruqlik yo‘lagini yaratish maqsadi bugungi kunda dolzarbligicha qolmoqda. Moskvaning bu yo‘nalishdagi yangi hujumi 2023-yildayoq amalga oshishi mumkin. Bu Ukraindagi urushning kechishiga ham bog‘liq”, — dedi Moldova razvedka rahbari.
Mavzuga doir: Putin yana bir davlatga bostirib kirishga tayyorgarlik ko‘rgan, biroq to‘satdan fikrini o‘zgartirgan — Newsweek
Izoh (0)