Belarusning Minsk shahrida 19-dekabr kuni mamlakat rahbari Aleksandr Lukashenko va Rossiya prezidenti Vladimir Putin uchrashuv o‘tkazdi. Prezidentlar nimalarni muhokama qilgani ma‘lum bo‘ldi.
Lukashenkoning so‘zlariga ko‘ra, ikki tomonlama aloqalarning mustahkamlanishi dunyodagi vaziyat o‘zgarib borayotganiga tabiiy javobdir.
“O‘ylaymanki, ba’zi notekisliklarga qaramay, hali ham chaqiriq va tahdidlarga javob topamiz”, — dedi Lukashenko.
“Murakkab davr siyosiy irodani talab qiladi, Rossiya va Belarusning yangi xalqaro koordinatalar tizimidagi kelajakdagi o‘rni shunga bog‘liq. Hech qanday holatda SSSR parchalanganidan keyin yo‘l qo‘yilgan xatolarni takrorlamasligimiz kerak. Bizning mutlaq ustuvorligimiz nozik iqtisodiy masalalarni hal qilishdir”, — dedi u.
U Putin bilan bunday uchrashuv o‘tkazishni prezidentlarning bevosita ishtirokisiz ayrim masalalarni hal qilishning iloji yo‘qligi bilan izohladi. Lukashenko tez orada Yevropa bilan xavfsizlik masalalari va kelajakdagi dunyo tartibi bo‘yicha konstruktiv muhokamaga o‘ta olishiga umid bildirdi.
“Belarus va Rossiya G‘arb bilan muloqotga ochiq, ular aql ovoziga quloq solishga umid qilamiz”, — deydi Lukashenko.
Rossiya prezidenti bayonoti
Putin uchrashuvdan ko‘zlangan maqsad “turli sohalardagi ayrim natijalarni sarhisob qilish” ekanini aytdi.
“Haqiqatan ham, biz so‘nggi paytlarda xavfsizlik masalalariga, xalqaro maydondagi hamkorlikka katta e’tibor qaratdik”, — dedi u va Rossiya bunday hamkorlikdan mamnun bo‘lishi kerakligini qo‘shimcha qildi. U Belarusni o‘z ma’nosida ittifoqchi deb atadi.
Prezident Belarus bilan yadroviy loyiha, ilm-fanni yanada rivojlantirish, kadrlar tayyorlash haqida gapirib, koinot sohasida hamkorlik qilish rejalari borligini aytdi.
“Rossiya va Belarus o‘rtasidagi tovar aylanmasi 2022-yilning 10 oyi davomida 10 foizga oshib, 40 milliard dollarni tashkil qildi, bu ehtimol yangi rekord”, — dedi u.
Mavzuga doir: “Belarus hech qachon Rossiyaning dushmani bo‘lmaydi” — Lukashenko
Izoh (0)