Ukraina prezidenti Vladimir Zelenskiy Rossiya Eron dronlari bilan hujum qilayotganini aytdi. Prezident Britaniya birlashgan ekspeditsiya kuchlari bilan rahbarlari yig‘ilishda bu haqda gapirdi.
Prezidentga ko‘ra, Rossiya qurolli kuchlari Erondan 250 ta Shahed-136 kamikadze dronlarini olgan.
“Bu kecha (19-dekabrga o‘tar kechasi) Ukraina yana 34 ta Eron dronlari tomonidan hujumga uchradi. Qurilma Rossiyaning Erondan olgan yangi aviatexnika partiyasi tarkibida bo‘lgan. U 250 ta Shahed dronlarini o‘z ichiga oladi”, — dedi u.
Prezident Ukrainada Rossiya raketalari va Eron dronlari doimiy ravishda qo‘llanilayotganini qayd etdi. Bunda birinchi navbatda energetika infratuzilmasi obyektlari zarar ko‘rayotgani, yaqinda Rossiyaning ommaviy hujumi 22 million ukrainalikni elektr energiyasiz qoldirganini ta’kidladi.
“16-dekabr kuni tunda 22 million 408 ming ukrainalik elektr ta’minotidan uzildi. O‘n milliondan ortiq odam suv va issiqliksiz qolmoqda. Hozir urush qachon va qanday tugashi sizga bog‘liq. Mudofaa kuchlarimiz qanchalik muvaffaqiyatli bo‘lsa, Rossiyaning ‘tajovuzkorligi’ shunchalik tez barbod bo‘ladi”, — deydi Zelenskiy.
19-dekabrga o‘tar kechasi Kiyevga kamikadze dronlaridan hujum qilindi. Ukraina poytaxti meri Vitaliy Klichko shaharning Solomenskiy va Shevchenkivskiy tumanlarida bir necha portlash sodir bo‘lganini aytdi. Oktabr oyi boshidan beri Rossiya Mudofaa vazirligi Ukrainaning harbiy va energetika infratuzilmasiga muntazam raketa zarbalari berib kelmoqda. Hujumlarda Rossiya Erondan sotib olgan dronlardan ham foydalanmoqda.
Izoh (0)