Qozog‘iston energetika tizimining shimoliy, janubiy va g‘arbiy hududlarida elektr energiyasi iste‘moliga cheklovlar joriy etilishi mumkin. Bu haqda Tengrinews xabar berdi.
Ma‘lum qilinishicha, dekabr oyida Qozog‘iston Yagona elektr energiyasi tizimida energiya iste’moli sezilarli darajada oshgan. 7-dekabrda Qozog‘iston energetika tizimida tarixiy maksimal iste’mol —16 459 MVt qayd etilgan. Mamlakatda elektr stansiyalarining umumiy ishlab chiqarilishi esa atigi 15 203 MVtni tashkil etadi. Kamomad Rossiya energetika tizimidan rejadan tashqari oqimlar hisobiga qoplangan.
“Elektr energiyasiga bo‘lgan ehtiyojni qoplash uchun ishlab chiqarish tanqisligi Qozog‘iston elektr stansiyalarida tez-tez avariyaviy va rejadan tashqari ta’mirlash ishlari tufayli yuzaga keladi. Jiddiy nomutanosiblik yuzaga kelganda Qozog‘iston energetika tizimining shimoliy, janubiy, g‘arbiy zonasida ‘avariya’ rejimi e’lon qilinishi, yirik sanoat korxonalari tomonidan elektr energiyasi iste’moliga cheklovlar joriy etilishi mumkin”, deyiladi xabarda.
Mavzuga doir: Qozog‘istonda elektr energiyasining jiddiy tanqisligi yuz berishi kutilyapti — Forbes
Izoh (0)