Zelenskiy qishda hal qilinishi kerak bo‘lgan oltita muammoni aytdi

Ukraina prezidenti Vladimir Zelenskiy qishdan omon qolish uchun hal qilinishi kerak bo‘lgan oltita muammoni sanab o‘tdi. Bu haqda BBC xabar berdi.

Zelenskiy 12-dekabr kuni Parijda “Ukraina xalqi bilan birdamlik” xalqaro anjumanida yig‘ilgan Yevropa yetakchilariga videomurojaat qilgan. Anjumanda Rossiya raketa zarbalaridan so‘ng Ukraina infratuzilmasini tiklash masalalari muhokama qilingan. Prezident konferensiya ishtirokchilariga Kiyevga oltita ustuvor vazifani hal qilishda yordam berishni iltimos qilgan. Ular quyidagilarni o‘z ichiga oladi:

1. Ukrainaga “transformatorlar, yuqori voltli tarmoqlarni tiklash uchun uskunalar, gaz turbinali va gaz-porshenli energiya bloklari” kerak;
2. Joriy isitish mavsumi tugagunga qadar (balki undan ham uzoqroq) Ukraina energetika tizimi Yevropa davlatlaridan “favqulodda yordam”ga muhtoj;
3.  Zaporojye AESga tashrif buyurgan MAGATE delegatsiyasiga o‘xshab, muhim energetika infratuzilmasi obyektlariga Yevropa Ittifoqi vakillaridan maxsus missiyalarni yuborish;
4. Qishdan omon qolish uchun Ukraina 2 milliard kub metrga yaqin gaz sotib olishida yordam berish;
5. Elektr tokining doimiy uzilishi sharoitida arzon LED lampalar bilan ta’minlash;
6. Konferensiyada “Parij mexanizmi”ni yaratish, bu “Rossiya energetik terrorining har bir chaqirig‘iga o‘z vaqtida va samarali javob berishga imkon beradi”.

Mavzuga doir:

• Zelenskiy Ukrainada “tinchlik o‘rnatilishini tezlashtirish” uchun uchta qadamni taklif qildi
• “Putin vafot etsa, Ukrainadagi urush tugaydi” — Zelenskiy
• Zelenskiy ofisi kelajakda Rossiya hujumining oldini olish yo‘lini ma’lum qildi