Зеленский қишда ҳал қилиниши керак бўлган олтита муаммони айтди

Украина президенти Владимир Зеленский қишдан омон қолиш учун ҳал қилиниши керак бўлган олтита муаммони санаб ўтди. Бу ҳақда BBC хабар берди.

Зеленский 12 декабрь куни Парижда «Украина халқи билан бирдамлик» халқаро анжуманида йиғилган Европа етакчиларига видеомурожаат қилган. Анжуманда Россия ракета зарбаларидан сўнг Украина инфратузилмасини тиклаш масалалари муҳокама қилинган. Президент конференция иштирокчиларига Киевга олтита устувор вазифани ҳал қилишда ёрдам беришни илтимос қилган. Улар қуйидагиларни ўз ичига олади:

1. Украинага «трансформаторлар, юқори волтли тармоқларни тиклаш учун ускуналар, газ турбинали ва газ-поршенли энергия блоклари» керак;
2. Жорий иситиш мавсуми тугагунга қадар (балки ундан ҳам узоқроқ) Украина энергетика тизими Европа давлатларидан «фавқулодда ёрдам»га муҳтож;
3.  Запорожье АЭСга ташриф буюрган МАГАТЭ делегациясига ўхшаб, муҳим энергетика инфратузилмаси объектларига Европа Иттифоқи вакилларидан махсус миссияларни юбориш;
4. Қишдан омон қолиш учун Украина 2 миллиард куб метрга яқин газ сотиб олишида ёрдам бериш;
5. Электр токининг доимий узилиши шароитида арзон LED лампалар билан таъминлаш;
6. Конференцияда «Париж механизми»ни яратиш, бу «Россия энергетик террорининг ҳар бир чақириғига ўз вақтида ва самарали жавоб беришга имкон беради».

Мавзуга доир:

• Зеленский Украинада «тинчлик ўрнатилишини тезлаштириш» учун учта қадамни таклиф қилди
• «Путин вафот этса, Украинадаги уруш тугайди» — Зеленский
• Зеленский офиси келажакда Россия ҳужумининг олдини олиш йўлини маълум қилди