O‘zbekiston 2022-yilda Green Card lotereyasi g‘oliblari uchun tasdiqlangan vizalar soni bo‘yicha dunyoda uchinchi davlat bo‘ldi. Bu haqda AQSHning Toshkentdagi elchixonasi xabar berdi.
Ma’lum qilinishicha, 2021-yilda Toshkentdagi AQSH elchixonasining konsullik bolimi Diversity Visa (Green Card) dasturi orqali eng ko‘p sonli immigratsion vizalarni taqdim etish bo‘yicha beshinchi o‘rinni egallagan. Har yili lotereyada butun dunyo uchun 50 000 ta vizalar o‘ynaladi.
Green Card o‘zi nima va nega hamma uni qo‘lga kiritishni xohlaydi?
Grin-karta hech qanday to‘siqlarsiz mamlakatni tark etish va qaytib kelish, ishlash, ko‘chmas mulkka egalik qilish, mahalliy banklarda manfaatliroq kreditlarni olish, oliy ta’lim muassasalarida chegirmalar bilan o‘qish va AQSH fuqarolari uchun mo‘ljallangan stipendiyalarga da’vogarlik qilish, ba’zi turdagi qurolli kuchlarda xizmat qilish hamda Amerika fuqarolari uchun boshqa imtiyoz va nafaqalardan foydalanish imkonini beradi.Grin-karta odatda 10 yilga beriladi, unga ega bo‘lgandan so‘ng 5 yil o‘tgach, AQSH fuqaroligini olish uchun ariza berish mumkin.
Izoh (0)