Yevroparlament Qatardan pora olganlikda ayblanayotgan vitse-prezident Yeva Kaylini lavozimidan ozod etishga qaror qildi. Bu haqda Le Monde xabar berdi.
Ma’lum qilinishicha, Yevroparlamentdagi deputatlarning 625 nafari Kaylining lavozimidan ozod etilishini qo‘llab-quvvatlagan. Kayli Fors ko‘rfazi mamlakatlaridan biri tomonidan “Yevropa parlamentining iqtisodiy va siyosiy qarorlariga ta’sir o‘tkazish” maqsadida berilgan pora haqidagi ish bo‘yicha so‘roq qilinish uchun ushlangan. Belgiya politsiyasi Yevropa parlamenti ofislarida reyd o‘tkazgan, federal prokurorga ko‘ra, bir necha kun ichida 20 ta tintuv o‘tkazilgan.
Belgiyada Kayli va yana uch kishiga korrupsiya bo‘yicha ayblov qo‘yilgan va ularning aktivlarni muzlatilgan. Qaror Gretsiyaning pul yuvishga qarshi kurash boshqarmasi rahbari Haralambos Vurliotis tomonidan qabul qilgan. Aktivlarni muzlatish choralari moliya institutlari va tegishli davlat organlari tomonidan amalga oshirilishi kerak.
Kaylining hibsga olinishi
9-dekabrda Yevroparlament vitse-prezidenti Yeva Kayli Qatarda bo‘lib o‘tadigan futbol bo‘yicha 2022-yilgi jahon chempionati atrofidagi korrupsiya ishi bo‘yicha qo‘lga olingandi. Belgiya politsiyasi Kaylining uyida reyd uyushtirgan. Avvalroq Belgiya prokuraturasi yirik operatsiyasi o‘tkazilgani, uning davomida to‘rt kishi, jumladan, sobiq Yevroparlament deputati Pyer-Antonio Panzeri va Xalqaro kasaba uyushmalari konfederatsiyasi prezidenti Luka Visentini qo‘lga olingani haqida xabar bergandi. Sobiq deputatning qarorgohidan 500 ming yevro naqd pul topilgan.
Izoh (0)