Braziliyada saylovda mag‘lub bo‘lgan sobiq prezidenti Jair Bolsonaro tarafdorlari ishtirokida tartibsizliklar bo‘lib o‘tdi. Bu haqda Deutsche Welle xabar berdi.
Ma’lum qilinishicha, Jair Bolsonaro tarafdorlari bir nechta mashinaga o‘t qo‘yib, federal politsiya shtab-kvartirasiga bostirib kirishga, shuningdek, o‘sha paytda amaldagi prezident Luis Inasiu Lula da Silva bo‘lgan mehmonxonaga hujum qilishga uringan. Politsiyaga tosh otgan namoyishchilarni tarqatish uchun huquq-tartibot idoralari xodimlari rezina o‘q va ko‘zdan yosh oqizuvchi gaz ishlatishga majbur bo‘lgan.
Tartibsizliklarga politsiya Bolsonaro tarafdorlaridan birini hibsga olishga order berganidan keyin sodir bo‘lgan.
Bolsonaru 2018-yil kuzida birinchi marta prezident etib saylangan, 2019-yil yanvarida esa lavozimiga kirishgan edi. U o‘zining o‘ta o‘ng va populistik qarashlari, Braziliya harbiy diktaturasiga moyilligi hamda feminizm va LGBT hamjamiyatlariga qarshi nutqlari bilan tanilgan. Rossiya Ukrainada maxsus operatsiya boshlagach, u Braziliya betaraflik pozitsiyasini egallashini va Moskvaga qarshi sanksiyalar kiritmasligini ma’lum qildi.
2016-yilda Lula Petrobras davlat neft kompaniyasida korrupsiya va pul yuvish haqidagi ish bo‘yicha 12 yilga hukm qilingan edi. Bu voqea atrofidagi mojaro natijasida 2016-yilda Dilma Russefga nisbatan ham impichment e’lon qilindi. U Lulaning prezident lavozimidagi davomchisi va Ishchilar partiyasi bo‘yicha maslakdoshi edi. Sobiq prezidentning o‘zi, apellyatsiya huquqidan foydalanib, ozodlikda yurgan, 2021-yilda esa Braziliya Oliy sudi unga nisbatan hukmlarni bekor qilgan.
Izoh (0)