Andijon viloyati Asaka tumanida Spark haydovchisi ikki nafar piyodani urib yubordi. Holat yuzasidan viloyat ichki ishlar boshqarmasi ma’lumot berdi.
Aniqlanishicha, 9-dekabr kuni soat 22:00 da viloyat IIB JXX YHXB xodimi E.M. xizmatdan so‘ng Asaka tumani “Qashqar” MFY hududidan o‘tuvchi 4R-112E avtomobil yo‘lining 2-kilometrida Spark avtomobilida harakatlanib ketayotgan bo‘lgan. Shu vaqtda avtomobil ko‘prigi ustidagi muzlamada transport vositasi sirpanib ketgan va rul boshqaruvini yo‘qotib, qatnov qismining chetidan ketayotgan ikki nafar piyodani urib yuborgan.
Oqibatda 1994-yilda tug‘ilgan piyoda M.K. olgan tan jarohatlari sabab shifoxonada vafot etgan. Shuningdek, 2004-yilda tug‘ilgan piyoda A.K. tan jarohati bilan shifoxonaga yotqizilgan. Holat yuzasidan prokuratura organlari tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir: Qoraqalpog‘istonda YPX xodimi radar o‘rnatilgan mashinasida taksichilik qilgani aytilmoqda (video)
Izoh (0)