Андижон вилояти Асака туманида Spark ҳайдовчиси икки нафар пиёдани уриб юборди. Ҳолат юзасидан вилоят ички ишлар бошқармаси маълумот берди.
Аниқланишича, 9 декабрь куни соат 22:00 да вилоят ИИБ ЖХХ ЙҲХБ ходими Э.М. хизматдан сўнг Асака тумани «Қашқар» МФЙ ҳудудидан ўтувчи 4Р-112Э автомобиль йўлининг 2-километрида Spark автомобилида ҳаракатланиб кетаётган бўлган. Шу вақтда автомобиль кўприги устидаги музламада транспорт воситаси сирпаниб кетган ва рул бошқарувини йўқотиб, қатнов қисмининг четидан кетаётган икки нафар пиёдани уриб юборган.
Оқибатда 1994 йилда туғилган пиёда М.К. олган тан жароҳатлари сабаб шифохонада вафот этган. Шунингдек, 2004 йилда туғилган пиёда А.К. тан жароҳати билан шифохонага ётқизилган. Ҳолат юзасидан прокуратура органлари томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Мавзуга доир: Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)
Изоҳ (0)