Rossiyaning Tula viloyatida mast tanishining qulog‘ini kesib tashlagan O‘zbekiston fuqarosi qo‘lga olindi. Bu haqda viloyat prokuraturasi axborot xizmati xabar berdi.
Ma’lum bo‘lishicha, 7-dekabr kuni o‘zbekistonlik erkak notanish xonadonda tanishlari bilan spirtli ichimlik ichgan. Shaxsiy kelishmovchilik tufayli u 55 yoshli hamrohini kaltaklagan. Jabrlanuvchi polga yiqilgach, uning chap qulog‘ini kesib tashlagan.
Oqibatda jabrlanuvchi olgan tan jarohatlari tufayli voqea joyida halok bo‘lgan. Uning jasadi ayblanuvchi va xonadon egasi tomonidan podyezd kiraverishidagi zinapoyaga olib tushib qo‘yilgan. Qotillik sodir etgan erkak qasddan badanga og‘ir shikast yetkazish, ehtiyotsizlik oqibatida jabrlanuvchining o‘limiga sabab bo‘lishda ayblanmoqda.
Xonadon egasiga nisbatan jinoyat ishi qo‘zg‘atish masalasi ko‘rib chiqilmoqda. Tergov prokuratura nazoratiga olingan.
Mavzuga doir:
Izoh (0)