Ayni vaqtda Prezident administratsiyasi rahbari Sardor Umurzoqov raisligida aholi va iqtisodiyot tarmoqlarini energiya resurslari bilan mutanosib ta’minlash masalalarini tezkor va tizimli hal etib borish maqsadida tashkil etilgan Respublika shtabining navbatdagi yig‘ilishi o‘tkazilmoqda.
Unda ishtirok etayotgan energetika vaziri Jo‘rabek Mirzamahmudov aholiga ko‘mir va suyultirilgan gaz yetkazib berish bo‘yicha raqamlarga to‘xtalib o‘tdi.
Reja bo‘yicha kuniga aholiga 8100 tonna ko‘mir yetkazib berilishi kerak bo‘lsa, hozirgi kunda biz 9 000—9 200 tonna ko‘mir yetkazib beryapmiz. Oldingi oylari 50—52 ming tonna suyultirilgan gaz yetkazib bergan bo‘lsak, bu oy 55 ming tonna yetkazib berdik.Uning ma’lum qilishicha, Toshkent viloyatining o‘ziga 1 200 ta qo‘shimcha suyultirilgan gaz balloni olib kelindi va barcha olis tog‘oldi hududlarda gaz ballonlari yetkazib berilmoqda. Shu bilan birga, ko‘mirga talab bo‘lgan joylarga ko‘mir yetkazib berilmoqda.Suyultirilgan gaz ballonlari oldin har 40 kunda almashtirib berilgan bo‘lsa, hozirgi kunda iste’mol oshishini hisobga olib, 30—35 kunda yetkazib berilishi ta’minlanmoqda. Buning uchun eng ko‘p talab bo‘lgan joylarda qo‘shimcha gaz ballonlari yetkazib beriladi. Qo‘shimcha talab uchun qo‘shimcha ishlab chiqarish va eksportni qisqartirib, ichki iste’molga yo‘naltirish hisobiga ta’minlanyapti, — deydi vazir.
Mavzuga doir:
- “Buxoro, Navoiy, Farg‘ona va Toshkentda 1485 ta mahalladagi xonadonlar kunning ma’lum bir vaqtida elektr ta’minotisiz qolgan” — Adminstratsiya rahbari
- “Jizzaxda bir kun ichida 4 ta korxonada tabiiy gazdan noqonuniy foydalanish holatlari aniqlangan” — Sardor Umurzoqov
- Farg‘ona neftni qayta ishlash zavodida Ai-80 markali benzinni ishlab chiqarish hajmi oshdi
Izoh (0)