Айни вақтда Президент администрацияси раҳбари Сардор Умурзоқов раислигида аҳоли ва иқтисодиёт тармоқларини энергия ресурслари билан мутаносиб таъминлаш масалаларини тезкор ва тизимли ҳал этиб бориш мақсадида ташкил этилган Республика штабининг навбатдаги йиғилиши ўтказилмоқда.
Унда иштирок этаётган энергетика вазири Жўрабек Мирзамаҳмудов аҳолига кўмир ва суюлтирилган газ етказиб бериш бўйича рақамларга тўхталиб ўтди.
Режа бўйича кунига аҳолига 8100 тонна кўмир етказиб берилиши керак бўлса, ҳозирги кунда биз 9 000—9 200 тонна кўмир етказиб беряпмиз. Олдинги ойлари 50—52 минг тонна суюлтирилган газ етказиб берган бўлсак, бу ой 55 минг тонна етказиб бердик.Унинг маълум қилишича, Тошкент вилоятининг ўзига 1 200 та қўшимча суюлтирилган газ баллони олиб келинди ва барча олис тоғолди ҳудудларда газ баллонлари етказиб берилмоқда. Шу билан бирга, кўмирга талаб бўлган жойларга кўмир етказиб берилмоқда.Суюлтирилган газ баллонлари олдин ҳар 40 кунда алмаштириб берилган бўлса, ҳозирги кунда истеъмол ошишини ҳисобга олиб, 30—35 кунда етказиб берилиши таъминланмоқда. Бунинг учун энг кўп талаб бўлган жойларда қўшимча газ баллонлари етказиб берилади. Қўшимча талаб учун қўшимча ишлаб чиқариш ва экспортни қисқартириб, ички истеъмолга йўналтириш ҳисобига таъминланяпти, — дейди вазир.
Мавзуга доир:
- «Бухоро, Навоий, Фарғона ва Тошкентда 1485 та маҳалладаги хонадонлар куннинг маълум бир вақтида электр таъминотисиз қолган» — Админстрация раҳбари
- «Жиззахда бир кун ичида 4 та корхонада табиий газдан ноқонуний фойдаланиш ҳолатлари аниқланган» — Сардор Умурзоқов
- Фарғона нефтни қайта ишлаш заводида Аи-80 маркали бензинни ишлаб чиқариш ҳажми ошди
Изоҳ (0)