Buyuk Britaniyaning Tehrondagi elchisi Saymon Sherklif Eron tashqi ishlar vazirligiga chaqirtirildi. Bu haqda Tasnim xabar berdi.
Ma’lum qilinishicha, bunga radikal jangarilarning Eronning Londondagi elchixonasi binosiga hujum uyushtirgani sabab bo‘lgan.
“Eronning Londondagi elchixonasi binosiga hujum va Eron Islom Respublikasining muqaddas bayrog‘iga hurmatsizlik ko‘rsatilishi ortidan Buyuk Britaniyaning Tehrondagi elchisi Tashqi ishlar vazirligi binosiga chaqirtirildi”, deyiladi xabarida.
Hujum aynan qachon sodir etilganiga aniqlik kiritilmagan.
Eronning MEHR agentligiga ko‘ra, so‘nggi ikki oy ichida Britaniya elchisi to‘rtinchi bor Tashqi ishlar vazirligiga chaqirilishi. Sherklif 2021-yil avgustida Buyuk Britaniyaning Tehrondagi elchisi etib tayinlangan edi.
Mavzuga doir: Rossiya elchisi Kremlning Gaaga sudi hukmidan noroziligi sababli Niderlandiya TIVga chaqirtirildi
Izoh (0)