Eronda namoyishlar ortidan oltinchi odam o‘limga hukm qilindi

Tehron inqilobiy sudi 20-noyabr kuni Eronda bir necha oy davom etgan norozilik namoyishlari ortidan oltinchi odamni o‘limga hukm qildi. Bu haqda Al-Arabiya xabar berdi.

Ayblanuvchi “so‘nggi tartibsizliklar paytida pichoq bilan o‘ldirish, terror tarqatish, jamiyatda ishonchsizlikni vujudga keltirishda aybdor deb topildi”. Sud shuningdek, sudlanuvchini “hirabah”da (Islomda huquqiy kategoriya bo‘lib, avtomobil yo‘lidagi talonchilik, zo‘rlash va terrorizmni o‘z ichiga oladi) aybdor deb topdi.

Qolgan besh kishi ayollar uchun kiyinish qoidalarini buzganlikda ayblanib, hibsga olingan yosh ayol Mahsa Aminining o‘limi sabab boshlangan namoyishda ayblanib, o‘limga hukm qilindi.

Eron rasmiylari norozilik namoyishlarini “tartibsizliklar” deb ta’riflaydi va mamlakatning G‘arb dushmanlarini ularni gijgijlashda ayblaydi. Hukmdan norozi bo‘lganlar Oliy sudga shikoyat qilishi mumkin.

Mavzuga doir:

• Eronda namoyishlar tufayli ilk ayblanuvchi o‘lim jazosiga hukm qilindi
• Eronda 14 ming nafar namoyishchi qatl etilishi mumkin
• Tehrondagi tartibsizliklarda ishtirok etgan 3 eronlik o‘limga hukm qilindi