Xarkov, Donetsk va Xerson viloyatlarining ozod qilingan hududlarida 700 dan ortiq ukrainalikning jasadi topildi
Ukraina armiyasi tomonidan ozod qilingan Xarkov, Donetsk va Xerson viloyatlari hududlarida so‘nggi ikki oy ichida 700 dan ortiq ukrainalikning jasadi topildi. Bu haqda Ukraina bosh prokurori Andrey Kostin xabar berdi.
Ma’lum qilinishicha, halok bo‘lganlarning 90 foizi tinch aholi vakillari sanaladi.
“Hududlarda ukrainaliklar noqonuniy hibsga olingan va qiynoqqa solingan 20 ta joy aniqlandi”, — deydi Bosh prokuror.
Uning so‘zlariga ko‘ra, bu joylarning aksariyati Xarkov viloyatidan topilgan.
“Biz hammamiz Izyumdagi ommaviy qabrlar joyini eslaymiz. Xarkov viloyatining deyarli har bir shahrida, har bir qishlog‘ida Ukrainaning tinch aholi vakillari halok bo‘lgan joylarni topdik. Xerson viloyatida ham xuddi shunday holatni ko‘ryapmiz. Har kuni biz yangi ma'lumotlarga ega bo‘lyapmiz”, — deydi Kostin.
Ukraina Bosh prokurori 18-noyabr holatiga ko‘ra, Ukrainada 433 nafar bola halok bo‘lgani, 837 nafardan ortig‘i turli og‘irlikdagi jarohatlar olganini e’lon qilgandi.
Mavzuga doir:
- AQSH urushda 100 mingdan ortiq rossiyalik askar halok bo‘lgan yoki yaralangan, deb baholadi. Ukrainaning yo‘qotishlari ham shuncha bo‘lishi mumkin
- Mariupol yaqinida yangi ommaviy qabrlar topildi, u yerda 1500 dan ortiq jasad bo‘lishi mumkin
