Ukraina rasmiylari taslim bo‘lgan rus asirlarining qatl etilishi aks etgan videoni tekshirishni boshladi. Bu haqda Ukraina bosh vazirining Yevropa va Yevroatlantika integratsiyasi bo‘yicha o‘rinbosari Olxa Stefanishina xabar berdi.
“Albatta, Ukraina rasmiylari ushbu video bo‘yicha tekshiruv olib boradi”, dedi u va e’lon qilingan kadrlar Rossiyaning ayblovlarini isbotlashi “dargumon” ekanini aytdi. Gap 18-noyabr kuni ijtimoiy tarmoqlarda tarqala boshlagan video haqida ketmoqda. Taxminlarga ko‘ra, u Lugansk xalq respublikasining Makeyevka qishlog‘ida olingan. Kadrlarda ruslarnikiga o‘xshash harbiy kiyimdagi odamlar birin-ketin yopiq hududdan chiqib, yerga yotgani ko‘rsatilgan.
Ularning ortidan qo‘liga sariq bog‘ichli forma kiygan erkaklar (ukrainalik askarlar deb qaralmoqda) chiqadi. Taslim bo‘lgan asirlardan qaysi biri ofitser ekani so‘raladi. Keyin tasvirda odamning qiyofasi paydo bo‘ladi, videoda otishmalar eshitiladi, tasvir uzilib qoladi. Hodisaning davomi olingan videoda 12 nafar harbiyning jasad aks etgan.
Rossiya Mudofaa vazirligi video dalillar Zelenskiy boshchiligidagi hozirgi Kiyev rejimi va uni himoya qilayotganlarning “vahshiyligini” tasdiqlashini bildirgan. Shu bilan birga, ukrainalik askarlar harbiy asirlar bilan muomala qilish bo‘yicha Jeneva konvensiyasining barcha talablariga muvofiq saqlanayotgani ta’kidlangan.
“Ammo Zelenskiy va uning tarafdorlari qiynoqqa solingan va o‘ldirilgan har bir mahbus uchun javob berishi kerak”, deyiladi Mudofaa bayonotida.
Mazkur bayonot ortidan BMT Inson huquqlari bo‘yicha Oliy komissari boshqarmasi o‘ldirilgan rossiyalik harbiy asirlarning videolarini tekshirayotganini ma’lum qildi.
Izoh (0)