Буюк Британиянинг Теҳрондаги элчиси Саймон Шерклиф Эрон ташқи ишлар вазирлигига чақиртирилди. Бу ҳақда Tasnim хабар берди.
Маълум қилинишича, бунга радикал жангариларнинг Эроннинг Лондондаги элчихонаси биносига ҳужум уюштиргани сабаб бўлган.
«Эроннинг Лондондаги элчихонаси биносига ҳужум ва Эрон Ислом Республикасининг муқаддас байроғига ҳурматсизлик кўрсатилиши ортидан Буюк Британиянинг Теҳрондаги элчиси Ташқи ишлар вазирлиги биносига чақиртирилди», дейилади хабарида.
Ҳужум айнан қачон содир этилганига аниқлик киритилмаган.
Эроннинг МЕHR агентлигига кўра, сўнгги икки ой ичида Британия элчиси тўртинчи бор Ташқи ишлар вазирлигига чақирилиши. Шерклиф 2021 йил августида Буюк Британиянинг Теҳрондаги элчиси этиб тайинланган эди.
Мавзуга доир: Россия элчиси Кремлнинг Гаага суди ҳукмидан норозилиги сабабли Нидерландия ТИВга чақиртирилди
Изоҳ (0)