AQSHning sobiq prezidenti Donald Tramp Respublika yahudiy kengashi tarafdorlari konferensiyasida nutq so‘zlab, yana davlat rahbari bo‘lsa, Yaqin Sharqda nima o‘zgarishini aytdi. Bu haqda Haaretz xabar berdi.
Tramp, agar u ikkinchi muddatga saylansa, “saylovdan ko‘p o‘tmay, barcha arab mamlakatlarini, jumladan, Saudiya Arabistonini Isroil va Amirliklar o‘rtasida tinchlik shartnomasiga qo‘shishi mumkinligini aytdi.
“Bayden ma’muriyati ulardan hech birini bu kelishuvga qo‘shmagan. Biz haqiqatan ham Yaqin Sharqda tinchlik o‘rnatishimiz mumkin edi”, — deydi Tramp.
Bundan tashqari, u nutqida amaldagi prezident Jo Baydenni ham tanqid qilib, uni “Isroilga va yahudiy jamiyatiga xiyonat qilishda” aybladi.
“Mening boshqaruvimda Isroil va yahudiy jamiyati uchun tarixda hech bir prezident qilmagan tarzda kurashdik”, — deydi sobiq prezident.
Bundan tashqari, Tramp AQSh yahudiylari uning Isroil uchun qilgan ishlarini yetarlicha qadrlamaganini takrorladi.
“Yahudiylar Isroilni kerakli darajada qadrlamaydi”, — deya xulosa qildi siyosatchi.
Ma’lumot o‘rnida, AQSHning sobiq rahbari Donald Tramp mamlakat prezidentligiga o‘z nomzodini ko‘rsatish uchun ariza topshirdi. Siyosatchi davlat rahbari bo‘lsa, saylov tizimini isloh qilishga va’da berdi. Ivanka Tramp otasining saylov kampaniyasida qatnashishdan bosh tortdi. Bayden esa Trampning AQSH prezidentligiga nomzodi ko‘rsatilganiga munosabat bildirib, uning “yutuqlarini” sanab o‘tdi.
Izoh (0)