Milliarder Ilon Maskga tegishli Tesla kompaniyasi AQSHdagi 321 mingga yaqin avtomobilini orqa chiroqlari bilan bog‘liq muammolar tufayli chaqirib oladi. Bu haqda Reuters xabar berdi.
Texasda joylashgan elektromobil ishlab chiqaruvchi kompaniya AQSH Milliy yo‘l harakati xavfsizligi boshqarmasiga taqdim etgan arizaga ko‘ra, chaqirib olish Model 3 va Model Y avtomobillariga taalluqli bo‘ladi.
Tesla orqa chiroqlar muammosini hal qilish uchun simsiz yangilanishni chiqaradi. Komaniya ma’lum qilishicha, chaqirib olinishi rejalashtirilgan avtomobillar bilan bog‘liq baxtsiz hodisalar yoki jarohatlar haqida hozircha hech qanday xabar kelib tushmagan.
Ba’zi kamchiliklar dasturiy ta’minotning navbatdagi yangilanishidan so‘ng bartaraf etilishi kutilmoqda.
Avval yo‘lovchilar uchun xavfsizlik yostiqchasidagi nosozlik tufayli 30 000 ga yaqin Model X elektromobillari chaqirib olinishi ma’lum qilingandi.
Izoh (0)