Polsha rasmiylari Rossiya tashqi ishlar vaziri Sergey Lavrovni Yevropada xavfsizlik va hamkorlik tashkilotining (YeXHT) tashqi ishlar vazirlari kengashi yig‘ilishiga kiritmaydi. Bu haqda “RBK” xabar berdi.
Yig‘ilish Lodz shahrida 1-dekabr kuni bo‘lib o‘tadi. Polsha tadbirda Yevropa Ittifoqi sanksiyasiga kiritilgan amaldorlar ishtirok eta olmasligini ma’lum qildi. Sergey Lavrov Rossiyaning Ukrainaga qilgan hujumi ortidan fevralda sanksiyalar ro‘yxatiga kiritilgandi. Rossiya tashqi ishlar vazirligi bunga munosabat bildirib, mazkur qarorni “qabul qilib bo‘lmaydigan hujum” deb atadi. TIV bu Polshaning 2022 yildagi YeXHTga rais davlat maqomiga mos kelmasligini qayd etdi.
Rossiya diplomatlari Varshava qaroriga baho berish uchun tashkilotning boshqa vakillariga murojaat qildi. Lavrov o‘rniga YeXHT yig‘ilishiga Rossiyaning tashkilotdagi doimiy vakili Aleksandr Lukashevich qatnashadi.
16-noybar kuni Indoneziyaning Bali orolida bo‘lib o‘tgan G20 sammitida birgina diplomat Rossiya tashqi ishlar vaziri Sergey Lavrov bilan uchrashgandi, u ham bo‘lsa Xitoy tashqi ishlar vaziri Van I bo‘lgan. Rossiya tashqi ishlar vaziri BMT bosh kotibi Antoniu Guterrish bilan uchrashuvda Ukrainadagi mojaroni hal qilish masalasida muvozanatli va xolis chiziqqa amal qilishi kerakligini aytgan.
Izoh (0)