Yevropada so‘nggi isitish mavsumidan beri birinchi marta yer osti omborlaridan gaz olish miqdori oshdi. Bu haqda Gas Infrastructure Europe ma’lumotlariga tayanib, Prime nashri xabar berdi.
14-noyabr oxirida (Toshkent vaqti bilan 15-noyabr soat 09:00 da tugaydi) yer osti omborlarida gaz hajmi kamayib, 95,6 foizni tashkil etdi.
Prime nashri yozishicha, gaz olish hajmining oshishi Yevropa Ittifoqida isitish mavsumi boshlanganidan dalolat beradi.
Qish mavsumi uchun Yevropa gaz omoborlarida taxminan 104 mlrd kub metr gaz mavjud. Ularning maksimal hajmi 110 mlrd kub metrni tashkil qiladi.
Yevropada barcha gaz zaxiralarining qariyb 60 foiziga to‘rtta davlat egalik qiladi.
13-noyabr holatiga ko‘ra, Yevropada eng yirik gaz zaxiralar Germaniyada — 23,8 mlrd kub metr. Yana 17,9 mlrd kub metr gaz Italiyada bo‘lsa, 12,9 mlrd kub metr gaz Fransiya hissasiga to‘g‘ri keladi. Avstriyada bu ko‘rsatkich 8,8 mlrd kub metrga teng.
Avvalroq Rossiya omborlaridagi gaz zaxirasi tarixiy maksimal darajaga yetgani haqida xabar berilgan edi.
Izoh (0)