Joriy yilning oktabr oyida bank hisob varaqalari bo‘yicha operatsiyalar va tovar-xomashyo birjasidagi faollik qanday o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar berdi.
2022-yil oktabr oyida banklararo to‘lov operatsiyalari soni 5,7 milliontani tashkil etdi va sentabr oyiga nisbatan 191,8 ming tranzaksiyaga (3,5 foiz) oshdi. Bu ko‘rsatkich barcha 13 ta hududda o‘sgan.
2022-yil oktabrda mamlakatning 13 ta hududida yuridik shaxslar o‘rtasidagi bank operatsiyalari soni o‘tgan oyga nisbatan oshgan.
Sezilarli darajadagi o‘sish Jizzax (17,1 foiz), Sirdaryo (13,3 foiz), Buxoro (13 foiz), Qashqadaryo (12,6 foiz) va Navoiy (11,6 foiz) viloyatlarida kuzatilgan. Farg‘ona viloyatida esa 0,8 foizga mo‘tadil darajadagi kamayish yuz bergan.
Tovar-xom ashyo birjasidagi faollik
2022-yilning oktabr oyida ishbilarmonlik faolligi indeksining birja komponenti 1,0010 birlikni tashkil etdi.
Bu esa, ushbu komponentning o‘tgan oyga nisbatan 0,1 foizga oshganligini anglatib, bitimlar sonining (1,3 foiz) oshgani bilan izohlanadi.
Shu bilan birga har bir bitim bo‘yicha sotib olingan tovarlar o‘rtacha hajmi 1,1 foizga kamaygan.
Birjada tovarlar savdosining umumiy aylanmasi hajmi 2022-yil oktabr oyida 6,4 trln so‘mni tashkil etib, ushbu ko‘rsatkich o‘tgan oyga nisbatan 2,1 foizga kamaygan.
Izoh (0)