O‘zbekistonda oktabr oyida rekord darajada ko‘p Cobalt ishlab chiqarildi

O‘zbekistonda 2022-yilning yanvar—oktabr oylarida 81 311 dona Cobalt avtomobili ishlab chiqarilgan. Bu haqda Davlat statistika qo‘mitasi matbuot xizmati xabar bermoqda. 

Cobalt avtomobilining ishlab chiqarish hajmi 2021-yilning mos davri bilan solishtirilganda 55 foizga oshgan.

Oktabr oyida Cobalt ishlab chiqarish rekord darajada yuqori bo‘ldi — 11 495 ta. Bu statistika e’lon qilinishni boshlagandan beri eng ko‘p ko‘rsatkichdir. 

2022-yilda oylar kesimida Cobalt avtomobilining ishlab chiqarish soni:

• yanvarda — 3 393 dona; 
• fevralda — 7 394 dona; 
• martda  — 8 405 dona;  
• aprelda — 9 498 dona;
• mayda — 10 226 dona;
• iyunda — 10 468 dona;
• iyulda — 3 519 dona;
• avgustda — 7 757 dona;
• sentabrda — 9 156 dona;
• oktabrda — 11 495 dona.