O‘zbekistondagi banklar 9 oyda aholidan qancha dollar sotib olgan?

O‘zbekistonda yanvar—sentabr oylarida banklar tomonidan aholidan 8,96 mlrd dollar miqdorida xorijiy valyuta sotib olingan. Bu haqda “Daryo”ga Markaziy bank hisobotidan ma’lum bo‘ldi. 

Joriy yilning to‘qqiz oyida aholi tomonidan banklarga sotilgan dollar miqdori o‘tgan yilning mos davriga nisbatan 1,9 mlrd dollarga ko‘p bo‘ldi. 

Bu davrda banklar eng ko‘p 1 000 dollardan yuqori operatsiyalarni amalga oshirgan. Ularning miqdori 4,05 mlrd dollarni tashkil qilgan. Keyin o‘rinda 300—500 dollar miqdoridagi operatsiyalar qayd etilgan. 

Amalga oshirilgan umumiy operatsiyalar soni esa 25 mln donadan oshgan. Bu o‘tgan yilning shu davriga nisbatan 8,5 mln donaga ko‘p. 

Valyutalar kesimida eng O‘zbekiston aholisi tomonidan dollar sotib olingan — 6,38 mlrd dollar. Bu borada ikkinchi o‘rinni 4,8 mlrd rubl bilan Rossiya valyutasi egallagan. 

Bundan tashqari banklar o‘zbekistonliklardan 175 mln tenge, 29,7 mln yevro, 27,7 mln iyena, 1,9 mln turk lirasi va 1,1 mln funt sterling sotib olgan.