Европа иситиш мавсуми учун ер ости омоборларидан газ олишни бошлади

Европада сўнгги иситиш мавсумидан бери биринчи марта ер ости омборларидан газ олиш миқдори ошди. Бу ҳақда Gas Infrastructure Europe маълумотларига таяниб, Prime нашри хабар берди.

14 ноябрь охирида (Тошкент вақти билан 15 ноябрь соат 09:00 да тугайди) ер ости омборларида газ ҳажми камайиб, 95,6 фоизни ташкил этди. 

Prime нашри ёзишича, газ олиш ҳажмининг ошиши Европа Иттифоқида иситиш мавсуми бошланганидан далолат беради. 

Қиш мавсуми учун Европа газ омоборларида тахминан 104 млрд куб метр газ мавжуд. Уларнинг максимал ҳажми 110 млрд куб метрни ташкил қилади. 

Европада барча газ захираларининг қарийб 60 фоизига тўртта давлат эгалик қилади. 

13 ноябрь ҳолатига кўра, Европада энг йирик газ захиралар Германияда — 23,8 млрд куб метр. Яна 17,9 млрд куб метр газ Италияда бўлса, 12,9 млрд куб метр газ Франция ҳиссасига тўғри келади. Австрияда бу кўрсаткич 8,8 млрд куб метрга тенг. 

Аввалроқ Россия омборларидаги газ захираси тарихий максимал даражага етгани ҳақида хабар берилган эди.