Tailand hukumati joriy yil oxirigacha 12 millionga yaqin chet ellik sayyohlarni qabul qilishni rejalashtirmoqda. Bu haqda qirollik moliya vaziri Axom Tempittayapaisit aytib o‘tdi.
Mamlakatga kelayotgan chet ellik sayyohlar soni ortdi va biz hozirda deyarli 10 million kishini qabul qilmoqdamiz, bu bizning 8 million sayyohlik maqsadimizdan oshib ketadi. Yil oxirigacha 11-12 million nafar sayyoh kelishini kutyapmiz, — deydi Vazir.
Tailand yalpi ichki mahsulotining qariyb 15 foizini tashkil etuvchi turizm sohasi so‘nggi ikki yil ichida koronavirus pandemiyasi bilan bog‘liq cheklovlar joriy etilishi tufayli qattiq zarar ko‘rdi.
Qirollik rasmiylari sayohatchilarning kelishiga qo‘yilgan cheklovlarni faqat shu yilning iyul oyida olib tashladi.
2019-yilda Tailandga qariyb 40 million sayyoh kelgan bo‘lsa, 2021-yilda ularning soni 400 minggacha kamaygan.
Oktabr oyi boshida Tailand hukumati O‘zbekiston va Qozog‘istondan ko‘proq sayyohlarni jalb qilmoqchiligi ma’lum bo‘lgan edi.
Joriy yilning 8 oyida Tailandga O‘zbekistondan 2,5 mingga yaqin odam tashrif buyurgan.
Turizm vazirligi yil oxirida bu ko‘rsatkich 8,5 mingtaga yetishini kutmoqda. 2019-yilda Tailandga kelgan o‘zbekistonlik sayyohlar soni 19 ming nafarni tashkil etgan edi.
Izoh (0)