Oliy Majlis Senati raisining birinchi o‘rinbosari Sodiq Safoyev boshchiligidagi O‘zbekiston delegatsiyasi Fransiya poytaxtidagi Bronyar saroyida o‘tkazilgan “Ko‘p qirrali inqirozni bartaraf etish” mavzusiga bag‘ishlangan 5-Parij tinchlik forumida ishtirok etdi, deb xabar bermoqda Dunyo” axborot agentligi.
Qayd etilishicha, forumda bir qator davlatlar prezidentlari, xalqaro tashkilotlar, kompaniyalar, taraqqiyot banklari, jamg‘armalar, nodavlat notijorat tashkilotlari rahbarlari qatnashgan.
Tadbir xalqaro munosabatlardagi zamonaviy tamoyillarga bag‘ishlangan. Ishtirokchilar o‘z chiqishlarida iqlim o‘zgarishi, COVID-19 pandemiyasining salbiy oqibatlari, tengsizlikning kuchayishi, shuningdek, global oqibatlarga olib keladigan yangi va uzoq davom etgan davlatlararo mojarolar kabi sohalarga e’tibor qaratgan.
Ma’lumot uchun: Parij tinchlik forumi 2018-yili prezident Emmanuel Makron tashabbusi bilan joriy muammolarga aniq yechimlar va javoblarni aniqlash maqsadida global boshqaruv muammolari bilan shug‘ullanuvchilar o‘rtasida yuqori darajadagi fikr almashish platformasi sifatida tashkil etilgan.
Sodiq Safoyev Fransiya poytaxtiga tashrifi doirasida Senat, Milliy assambleya, Tashqi ishlar vazirligi, Luvr muzeyi, Arab dunyosi instituti, “YESSEC” biznes maktabi va Parij Panteon Assas universitetida uchrashuvlar o‘tkazgan.
Izoh (0)