O‘zbekiston davlat jismoniy tarbiya va sport universitetida 2023/2024-o‘quv yilidan boshlab “Sport faoliyati: kibersport” bakalavriat ta’lim yo‘nalishi ochilib, ushbu yo‘nalish bo‘yicha o‘qish muddati 3 yil etib belgilanmoqda.
Qayd etilishicha, Sportni rivojlantirish vazirligi, Axborot texnologiyalari va kommunikatsiyalarini rivojlantirish vazirligi hamda Yoshlar ishlari agentligining quyidagi takliflariga rozilik berildi.
- Uzbekistan Esports Championship respublika chempionatida oxirgi bir yilda g‘olib (1-o‘rin) bo‘lgan kibersportchilarni 2023/2024-o‘quv yilidan boshlab O‘zbekiston davlat jismoniy tarbiya va sport universitetining “Sport faoliyati: kibersport” bakalavriat ta’lim yo‘nalishiga kasbiy (ijodiy) imtihonlarni topshirishdan ozod qilish va ularga maksimal ball berish;
- kibersport faoliyatini o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritish;
- Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida kibersport turlari bo‘yicha trenerlar,sharhlovchilar, hakamlar va boshqa mutaxassislarni qayta tayyorlash.
Avvalroq prezident qarori bilan kibersport rasman alohida sport turi etib belgilangani haqida xabar berilgan edi.
Izoh (0)