Donbassda shiddatli janglar — Ukraina Rossiya armiyasi misli ko‘rilmagan yo‘qotishlarga uchraganini da’vo qilmoqda. Urushning 258-kunidan fotoreportaj
Britaniya Mudofaa vazirligi Rossiya qo‘shinlari bosib olingan Mariupol atrofida mudofaa instehkomlari qurayotganini da’vo qilmoqda. Anneksiya qilingan Xersonning Rossiya tomonidan tayinlangan ma’muriyati shahardan tinch aholini ommaviy evakuatsiya qilishga sabab bo‘lgan voqealar oqibati yaqin kunlarda kutilayotganini ta’kidladi. Rossiya mudofaa vaziri Sergey Shoygu Ukrainadagi Rossiya qo‘shinlari qo‘shma guruhi qo‘mondonlik punktiga tashrif buyurdi. Meduza urushning 258-kuniga oid asosiy suratlarni e’lon qildi.
Kramatorskka navbatdagi zarbalar oqibatlari
Ukrainalik tergovchi Kramatorskdagi otishma joyida ishlamoqda. Rossiya qo‘shinlari 8-oktabr kuni kechqurun shaharga hujum qildi. Maktab binosi va yaqin atrofdagi turar joy binolari shikastlangan, deya xabar beradi viloyat harbiy boshqarmasi. Ukrainaning Donetsk viloyati gubernatori Pavel Kirilenkoning aytishicha, sakkiz yoshli bola yaralangan.Foto: AP Photo
Ukrainalik tergovchi Rossiyaning o‘qqa tutishlaridan qolgan qurol parchalarini tekshirmoqda.Foto: AP Photo
Tergovchilar Rossiya snaryadlari tushgan joyni tekshirmoqda.Foto: AP Photo
Donbass shimolidagi ukrain artilleriyachilari
Ukraina askari Polshadan keltirilgan Krab o‘ziyurar gaubitsasini tozalamoqda. Krab yordamida Donetsk viloyatidagi front chizig‘ida Rossiya pozitsiyalari o‘qqa tutilgan. Ukraina Qurolli kuchlari Bosh shtabining so‘nggi ma’lumotlariga ko‘ra, Rossiya armiyasi Donetsk viloyatida uch yo‘nalishda – Bahmut, Avdeyevska va Novopavlovskda oldinga siljimoqda. Rossiya Mudofaa vazirligining 8-noyabr kungi brifingida Donbassdagi vaziyat haqida hech narsa aytilmagan.Foto: Reuters
Ukraina Qurolli kuchlari Polshaning Krab o‘ziyurar gaubitsasidan Rossiya pozitsiyalariga qarata o‘t ochmoqda. May oyi oxirida Polsha ushbu harbiy texnikadan Ukrainaga 18 ta topshirgandi.Foto: Reuters
Eng shiddatli janglar ketayotgan Bahmut yaqinidagi frontda ukrain askari. Ukraina Qurolli kuchlari Rossiya qo‘shinlari Donetsk viloyatidagi Bahmut, Avdeyevka va Ugledar hududlarida misli ko‘rilmagan yo‘qotishlarga uchraganini da’vo qilmoqda. Rossiya Mudofaa vazirligi bu ma’lumotga izoh bermadi.Foto: AFP
Ukraina harbiylari Bahmut yaqinidagi Rossiya pozitsiyalariga o‘t ochmoqda.Foto: AFP
Nikolayevlik ayol rus armiyasining ko‘plab hujumlaridan birida derazalari sinib ketgan do‘kon yonidan o‘tmoqda. Rossiya qo‘shinlari oxirgi marta 7-noyabr kuni Nikolayevga raketa otdi, biroq havo hujumidan mudofaa tizimi uni urib tushirishga muvaffaq bo‘ldi.Foto: Anadolu
Nikolayevdagi ko‘p qavatli uyning fasadi. Foto: Anadolu
Rossiya hujumidan shikastlangan tibbiyot markazi.Foto: Anadolu
Nikolayevdagi do‘konlar oynalari to‘siq bilan berkitilgan.Foto: Anadolu
O‘zini o‘zi respublika deb e’lon qilgan LXRda tinch aholini qayta dafn qilish
Lugansk viloyati Vidnoye qishlog‘idagi “Unutmaymiz, kechirmaymiz” memorialida 15 nafar tinch aholining jasadi qayta dafn qilindi. Rossiya tomoni bu odamlar “Ukraina tajovuzi oqibatida” halok bo‘lganini da’vo qilmoqda. Jasadlar Severodonetsk viloyatidagi qabrlardan Ukraina agressiyasi qurbonlari qabrlarini qidirish, ularning shaxsini aniqlash va xotirasini abadiylashtirish bo‘yicha idoralararo ishchi guruh a’zolari tomonidan topilgan. LXR okkupatsion ma’muriyatiga ko‘ra, ishchi guruh Severodonetsk aglomeratsiyasida iyundan noyabrgacha jami 408 kishining jasadini topgan.Foto: “TASS”
Izoh (0)