Донбассда шиддатли жанглар — Украина Россия армияси мисли кўрилмаган йўқотишларга учраганини даъво қилмоқда. Урушнинг 258-кунидан фоторепортаж
Британия Мудофаа вазирлиги Россия қўшинлари босиб олинган Мариупол атрофида мудофаа инстеҳкомлари қураётганини даъво қилмоқда. Аннексия қилинган Херсоннинг Россия томонидан тайинланган маъмурияти шаҳардан тинч аҳолини оммавий эвакуация қилишга сабаб бўлган воқеалар оқибати яқин кунларда кутилаётганини таъкидлади. Россия мудофаа вазири Сергей Шойгу Украинадаги Россия қўшинлари қўшма гуруҳи қўмондонлик пунктига ташриф буюрди. Meduza урушнинг 258-кунига оид асосий суратларни эълон қилди.
Краматорскка навбатдаги зарбалар оқибатлари
Украиналик терговчи Краматорскдаги отишма жойида ишламоқда. Россия қўшинлари 8 октябрь куни кечқурун шаҳарга ҳужум қилди. Мактаб биноси ва яқин атрофдаги турар жой бинолари шикастланган, дея хабар беради вилоят ҳарбий бошқармаси. Украинанинг Донецк вилояти губернатори Павел Кириленконинг айтишича, саккиз ёшли бола яраланган.Фото: AP Photo
Терговчилар Россия снарядлари тушган жойни текширмоқда.Фото: AP Photo
Донбасс шимолидаги украин артиллериячилари
Украина аскари Польшадан келтирилган Краб ўзиюрар гаубицасини тозаламоқда. Краб ёрдамида Донецк вилоятидаги фронт чизиғида Россия позициялари ўққа тутилган. Украина Қуролли кучлари Бош штабининг сўнгги маълумотларига кўра, Россия армияси Донецк вилоятида уч йўналишда – Баҳмут, Авдеевска ва Новопавловскда олдинга силжимоқда. Россия Мудофаа вазирлигининг 8 ноябрь кунги брифингида Донбассдаги вазият ҳақида ҳеч нарса айтилмаган.Фото: Reuters
Украина Қуролли кучлари Польшанинг Краб ўзиюрар гаубицасидан Россия позицияларига қарата ўт очмоқда. Май ойи охирида Польша ушбу ҳарбий техникадан Украинага 18 та топширганди.Фото: Reuters
Энг шиддатли жанглар кетаётган Баҳмут яқинидаги фронтда украин аскари. Украина Қуролли кучлари Россия қўшинлари Донецк вилоятидаги Баҳмут, Авдеевка ва Угледар ҳудудларида мисли кўрилмаган йўқотишларга учраганини даъво қилмоқда. Россия Мудофаа вазирлиги бу маълумотга изоҳ бермади.Фото: AFP
Украина ҳарбийлари Баҳмут яқинидаги Россия позицияларига ўт очмоқда.Фото: AFP
Николаевда ойна ўрнига тўсиқ қопланган деразалар
Николаевлик аёл рус армиясининг кўплаб ҳужумларидан бирида деразалари синиб кетган дўкон ёнидан ўтмоқда. Россия қўшинлари охирги марта 7 ноябрь куни Николаевга ракета отди, бироқ ҳаво ҳужумидан мудофаа тизими уни уриб туширишга муваффақ бўлди.Фото: Anadolu
Николаевдаги кўп қаватли уйнинг фасади. Фото: Anadolu
Россия ҳужумидан шикастланган тиббиёт маркази.Фото: Anadolu
Николаевдаги дўконлар ойналари тўсиқ билан беркитилган.Фото: Anadolu
Ўзини ўзи республика деб эълон қилган ЛХРда тинч аҳолини қайта дафн қилиш
Луганск вилояти Видное қишлоғидаги «Унутмаймиз, кечирмаймиз» мемориалида 15 нафар тинч аҳолининг жасади қайта дафн қилинди. Россия томони бу одамлар «Украина тажовузи оқибатида» ҳалок бўлганини даъво қилмоқда. Жасадлар Северодонецк вилоятидаги қабрлардан Украина агрессияси қурбонлари қабрларини қидириш, уларнинг шахсини аниқлаш ва хотирасини абадийлаштириш бўйича идоралараро ишчи гуруҳ аъзолари томонидан топилган. ЛХР оккупацион маъмуриятига кўра, ишчи гуруҳ Северодонецк агломерациясида июндан ноябргача жами 408 кишининг жасадини топган.Фото: «ТАСС»
Изоҳ (0)