Birlashgan Arab Amirliklari va Misr dunyodagi eng yirik shamol stansiyalaridan birini qurishga kelishib oldi, deb xabar bermoqda WAM nashri.
BAA prezidenti Muhammad bin Zayd Al Nahayon va Misr prezidenti Abdulfattoh Xalil as-Sisi dunyodagi eng yirik shamol elektr stansiyasini qurish bo‘yicha kelishuvni imzoladi.
Stansiyani qurish loyihasini ishlab chiqish bo‘yicha memorandum BAAning qayta tiklanadigan energetika kompaniyasi Masdar va Misrning qayta tiklanadigan energiya ishlab chiqaruvchisi Infinity Power hamda Hassan Allam Utility o‘rtasida Misr hukumati ishtirokida imzolandi. Loyiha asosida Misrda 10 gigavatt quvvatga ega shamol stansiyasi quriladi.
Stansiyasi qurib bitkazilgach, yiliga 47 790 gigavatt/soat toza energiya ishlab chiqarishi va 23,8 million tonna karbonat angidrid chiqindilarining o‘rnini qoplashi kutilmoqda, bu Misrdagi hozirgi CO2 chiqindilarining taxminan 9 foiziga teng.
Shamol stansiyasi, shuningdek, Misrning yillik tabiiy gaz xarajatlaridan taxminan 5 milliard dollar tejaydi va 100 minggacha ish o‘rni yaratishga yordam beradi.
Izoh (0)