Futbol bo‘yicha O‘zbekiston Supeligasining 24-turidan o‘rin olgan o‘yinlar 2-noyabr, chorshanba kuni bo‘lib o‘tdi.
“Paxtakor” o‘z maydonida “So‘g‘diyona”ni qabul qildi va 2:0 hisobida zafar quchdi. “Sherlar” safida Dostonbek Hamdamov va Hojiakbar Alijonov o‘z hisobiga gol yozdirib qo‘ydi.
“Paxtakor” ushbu g‘alabadan so‘ng ochkolari sonini 48 taga yetkazib, musobaqa peshqadamiga aylandi. “So‘g‘diyona” esa 33 ochko bilan 6-pog‘onadan joy oldi.
“Olimpik” “Metallurg” bilan bahs olib bordi. Uchrashuvning 45-daqiqasida Muhammadali G‘iyosov hisobni ochdi. 58-daqiqada Abror Toshqo‘ziyev qizil kartochka olib maydonni tark etdi. Qolgan daqiqalarda “Metallurg” bir kishi kam bo‘lib harakat qildi. 83-daqiqada G‘iyosov dublni rasmiylashtirdi. 86-daqiqada Shahzod Toirov qizil kartochka oldi va maydonni tark etdi. 89-daqiqada Bektemir Abdumannonov hisobni qisqartirishga muvaffaq bo‘ldi.
Timur Kapadze shogirdlari ochkolarini 32 taga yetkazib oldi va 7-o‘rinda bormoqda. “Metallurg” esa 32 ochko bilan 8-pog‘onaga tushib ketdi.
Superliga
24-tur bahslari
2-noyabr, chorshanba
“Paxtakor” — “So‘g‘diyona” 2:0
Gollar: 1:0 — 5 Dostonbek Hamdamov, 2:0 — 48 Hojiakbar Alijonov.“Paxtakor”: 33. Eldorbek Suyunov, 3. Hojiakbar Alijonov, 7. Odiljon Hamrobekov, 8. Azizbek Turg‘unboyev, 10. Dragan Cheran, 17. Dostonbek Hamdamov, 27. Sardor Sobirxo‘jayev (63. Muhammadali O‘rinboyev, 89), 34. Farrux Sayfiyev, 42. Abbosbek Fayzullayev, 77. Dostonbek Tursunov, 88. Shahzod Azmiddinov (5. Oleksandr Nasonov, 67).
“So‘g‘diyona”: 27. Milan Mitrovich, 2. Sardor Qulmatov, 6. Iskandar Shaykulov, 7. Shahboz Jo‘rabekov, 10. Shohruz Norxonov, 11. Jasur Hasanov, 19. Javohir Qahramonov, 21. Abdujalil Manazarov, 26. Vitaliy Denisov, 31. Luka Chermel, 93. Marko Kolakovich.
Ogohlantirish: Iskandar Shaykulov (19).
“Olimpik” — “Metallurg” 2:1
Gollar: 1:0 — 45+1 Muhammadali G‘iyosov, 2:0 — 83 Muhammadali G‘iyosov, 2:1 — 89 Bektemir Abdumannonov.“Olimpik”: 12. Vladimir Nazarov, 2. Saidazamat Mirsaidov, 5. Muhammadqodir Hamraliyev, 6. Behzod Shamsiev, 7. Ruslanbek Jiyanov (18. Sardorbek Maxmudov, 90+1), 9. Temur Mamasidiqov (37. Alisher Odilov, 63), 10. Farruxbek Muxtorov (99. Muhammadali G‘iyosov, 15), 11. Otabek Jo‘raqo‘ziyev (47. Nodirbek Abdixalikov, 90+1), 23. Abdurauf Bo‘riyev, 44. Shahzod Toirov, 70. Abubakrrizo Turdialiyev (21. Muhammadaziz Ibrohimov, 63).
“Metallurg”: 12. Aleksandr Lobanov, 6. Xudoyshukur Sattorov (4. Kerim Palich, 68), 9. Zabihillo O‘rinboyev, 10. Bektemir Abdumannonov, 14. Abrorbek Toshqo‘ziyev, 18. Anvar G‘ofurov, 22. Shahzodbek G‘ofurbekov, 27. Ixtiyor Toshpo‘latov, 30. Ibrohim Ibragimov (25. Shahzodjon Ne’matjonov, 69), 80. Farrux Ibrohimov, 94. Farhod Bekmurotov (19. Ergash Ismoilov, 69).
Ogohlantirishlar: Abror Toshqo‘ziyev (10), Saidazamat Mirsaidov (60), Shahzod Toirov (60), Xudoyshukur Sattorov (65)
Chetlatishlar: Abror Toshqo‘ziyev (58), Shahzod Toirov (85).
Izoh (0)