Yurgen Klopp “Liverpul” boshqaruvida 400 ta o‘yin o‘tkazdi. Bu so‘nggi 39 yil ichidagi rekord natija

“Liverpul” Chempionlar Ligasi 6-turida “Napoli”ni 2:0 hisobida mag‘lubiyatga uchratdi.

Bu mersisaydlar ustozi Yurgen Klopp uchun “Liverpul” boshqaruvidagi 400-o‘yin bo‘ldi.

Klopp ushbu natijaga erishgan klub tarixidagi 4-murabbiyga aylandi. Undan avval Bill Shenkli (783 o‘yin, 1959—1974-yillar), Tom Uotson (678, 1896—1915) va Bob Peysli (535, 1974—1983) ushbu ko‘rsatkichni qayd etgan. Klopp bu dovonni bosib o‘tgan XXI asrdagi va oxirgi 39 yil ichidagi ilk murabbiyga aylandi.

Bu davr ichida nemis mutaxassisi qo‘l ostidagi jamoa 244 g‘alaba, 90 durang va 66 ta mag‘lubiyat qayd etdi. To‘plar nisbati — 833:394.

Shuningdek, Yurgen jamoa bilan Chempionlar Ligasidagi 100-bahsini o‘tkazdi. Klopp bu o‘yinlarning 46 tasida yutgan, 28 o‘yinda durang qayd etilgan bo‘lsa, 26 o‘yin mag‘lubiyat bilan tugagan.

“Qizillar” Chempionlar Ligasining ketma-ket beshta o‘yinida g‘alaba qozondi. Bundan avval klub ikki bor shunday natijaga erishgan: 2007/08-yilgi mavsumda 5 ta, 2021/22-yilgi mavsumda esa 7 ta o‘yindan iborat g‘alabali seriya qayd etilgan.