“Reynjers” Chempionlar Ligasida antirekord o‘rnatdi

Glazgoning “Reynjers” jamoasi Chempionlar Ligasi guruh bosqichining barcha o‘yinlarini boy berdi.

Jovanni van Bronkhors qo‘l ostidagi jamoa “Napoli”, “Liverpul” va “Ayaks” bilan bir guruhdan joy oldi. “Reynjers” o‘z darvozasidan 22 ta to‘p olib chiqdi va ikkita gol urishga erishdi.

Shu tariqa glazgoliklar “Dinamo Zagreb”ning 2011/12-yilgi mavsumdagi antirekordini yangiladi. Xorvatiya jamoasi o‘shanda guruhdagi barcha o‘yinda yutqazgan va 22:3 to‘plar nisbatini qayd etgandi.

Shuningdek, “Viktoriya Plzen” ham joriy mavsum guruhdagi hamma o‘yinda yutqazib, 5:24 to‘plar nisbatini qayd etdi va “Dinamo Z”ning ko‘rsatkichini takrorladi. Plzenliklar “Bavariya”, “Inter” va “Barselona” bilan bir guruhdan joy olgandi.

Mavzuga doir:

• Chempionlar Ligasi pley-off bosqichiga yo‘l olgan jamoalar soni 14 taga yetdi
• “Bavariya” Chempionlar Ligasida ikkita tarixiy rekord qayd etdi
• Yevropa top-5 liga vakillari orasida joriy mavsum mag‘lub bo‘lmagan bitta jamoa qoldi