Ukraina prezidenti Vladimir Zelenskiy devonxonasi rahbari o‘rinbosari Kirilo Timoshenko infratuzilmaga qilingan hujumlar tufayli Ukraina bo‘ylab 1,3 milliondan ortiq odam elektr energiyasiz qolganini aytdi. Bu haqda “Kommersant” xabar bermoqda.
U mamlakatni elektr energiyasi bilan ta’minlash bo‘yicha vaziyatni “juda og‘ir” deb baholadi.
Bizning energetika tizimimiz bir-biriga, bir viloyat boshqasiga, shahardan shaharga bog‘langan. Hozirgi vaziyatda, real vaqt rejimida soat 19:00 holatiga ko‘ra, 1 million 361 ming 308 abonent elektr energiyasiz qolgan, — dedi Timoshenko “Rada” parlament telekanali efirida.
Uning tushuntirishicha, podstansiyalar va elektr energiyasi ishlab chiqarish obyektlari o‘qqa tutilishi oqibatida zarar ko‘rgan.
Ukraina energetika vaziri Herman Galushchenko Rossiya armiyasining hujumlari tufayli Ukrainadagi energetika inshootlarining deyarli uchdan bir qismi zarar ko‘rganini ma’lum qilgan.
Avvalroq Ukraina elektr energiyasini import qilish bo‘yicha muzokaralarni boshlagani haqida xabar berilgan edi.
Izoh (0)