Ukrainaning voyaga yetmaganlar bo‘yicha prokurorlari rasmiy ma’lumotlariga ko‘ra, mamlakatda Rossiya bosqini boshlangandan buyon 423 nafar bola halok bo‘lgan, 810 nafardan ortig‘i turli darajada jarohatlar olgan. Bu haqda Ukraina Bosh prokuraturasi xabar berdi.
Qayd etilishicha, bu raqamlar yakuniy emas, chunki faol harbiy harakatlar olib borilayotgan joylarda, vaqtincha bosib olingan va rus qo‘shinlaridan ozod qilingan hududlarda tegishli ko‘rsatkichlarni aniqlash ishlari olib borilmoqda. Aslida, halok bo‘lgan va yaralangan bolalar soni ancha ko‘p, prokuratura xabarida esa faqat hujjatlashtirilgan sonlar ko‘rsatilgan.
“Rossiya Federatsiyasi qurolli kuchlarining bombardimoni va o‘qqa tutishi oqibatida 2614 ta o‘quv muassasasi zarar ko‘rdi. Ulardan 313 tasi butunlay vayron bo‘lgan”, — deyiladi xabarda.
Izoh (0)