Belgorod viloyatidagi harbiy qismlardan birida otishma yuz berdi. Rossiya Mudofaa vazirligining ma’lum qilishicha, otishmani “MDH davlatlaridan biri”ning ikki fuqarosi sodir etgan. Vazirlik hodisani “terakt” deb atadi.
Rasmiy ma’lumotlarga ko‘ra, poligonda yuz bergan otishma oqibatida 11 kishi halok bo‘ldi, yana 15 kishi yaralandi. Hujum qilganlar ham o‘ldirilgan. Vazirlik xabarida aytilishicha, “terrorchilar” go‘yoki urushda qatnashmoqchi bo‘lgan ko‘ngillilarni otib tashlagan. Hodisa o‘q uzish mashg‘ulotlari vaqtida yuz bergan.
Shu bilan birga, SOTA nashri 22 kishi halok bo‘lganini va 16 kishi yaralanganini da’vo qilmoqda. Mash nashriga ko‘ra, qurbonlar Bryansk viloyatidan kelgan ko‘ngillilar bo‘lgan.
Izoh (0)