Украинанинг вояга етмаганлар бўйича прокурорлари расмий маълумотларига кўра, мамлакатда Россия босқини бошлангандан буён 423 нафар бола ҳалок бўлган, 810 нафардан ортиғи турли даражада жароҳатлар олган. Бу ҳақда Украина Бош прокуратураси хабар берди.
Қайд этилишича, бу рақамлар якуний эмас, чунки фаол ҳарбий ҳаракатлар олиб борилаётган жойларда, вақтинча босиб олинган ва рус қўшинларидан озод қилинган ҳудудларда тегишли кўрсаткичларни аниқлаш ишлари олиб борилмоқда. Аслида, ҳалок бўлган ва яраланган болалар сони анча кўп, прокуратура хабарида эса фақат ҳужжатлаштирилган сонлар кўрсатилган.
«Россия Федерацияси қуролли кучларининг бомбардимони ва ўққа тутиши оқибатида 2614 та ўқув муассасаси зарар кўрди. Улардан 313 таси бутунлай вайрон бўлган», — дейилади хабарда.
Изоҳ (0)