Vengriya va Gazprom 1,9 mlrd yevro miqdoridagi to‘lovni kechiktirishga kelishib oldi. Bu haqda Bloomberg xabar bermoqda.
Vengriya rasmiylarining bayonotlariga ko‘ra, kechiktirilgan to‘lovda hech qanday cheklov yo‘q.
Avvalroq OAV Vengriyaning MVM kompaniyasi Gazprom bilan to‘lovlarni uch yilga kechiktirish bo‘yicha shartnoma tuzgani haqida xabar bergan edi.
Agentlikning yozishicha, 2022—2023-yillar qish mavsumida Budapesht kechikishlarni hisobga olmagan holda, Rossiya gazi uchun 4 mlrd yevro to‘laydi.
Bloomberg’ning ikki anonim manbasiga ko‘ra, birinchi yilda Vengriya gazning 20 foizini to‘laydii, keyingi ikki yil ichida 40 foizini.
3-oktabr kuni Vengriya Index portali MVM energetika kompaniyasi kelgusi qish davri uchun Gazprom bilan gaz uchun to‘lovlarni kechiktirish bo‘yicha shartnoma tuzganini xabar qildi. Kechiktirilgan bitim uch yil muddatga amal qiladi.
31-avgust kuni Vengriya va Gazprom o‘rtasida kuniga qo‘shimcha 5,8 mln kub metr gaz yetkazib berish bo‘yicha kelishuv imzolangan edi. Shartnoma 1-sentabrdan boshlab amal qiladi.
Izoh (0)